चीनसँग सीमा जोडिएको कोरला नाका संचानको प्रयास भैरहेका बेला त्यहाँको सुरक्षाका लागि कोरला नाकामा छिट्टै सशस्त्र प्रहरीको सीमा सुरक्षा बल र लोमाङ्थाङमा नेपाली सेनाको ब्यारेक स्थापना हुने भएको छ ।
लोमाथाङमा स्थापना गरिने सेनाको गुल्म स्थापनाका लागि स्थानीयबासीले जग्गा समेत उपलब्ध गराएका छन् । लोमान्थाङवासीले सेनाका लागि लोमान्थाङको दक्षिणी क्षेत्रमा पर्ने बजार नजिकै छोलुङमा करिब ५० रोपनी जग्गा निःशुल्क उपलब्ध गराएका हुन् । केही समयदेखि यहाँ सेनाले भौतिक पूर्वाधार निर्माण गरिरहेको छ ।
कोरला नाकाको अवलोकन र वस्तुस्थिति अध्ययन गर्न बिहिबार अपराह्न त्यहाँ पुगेको उपप्रधानमन्त्रीत्रय सम्मिलित सरकारी टोलीसंगको छलफलमाा स्थानीयले सेनालाई जग्गा ऊलब्धगराएको घोषणा गरेका हुन् । टोली बिहिबार नै राजधानी फर्किएको छ ।
सरकारले उच्च प्राथमिकता राखेको कोरला नाका पुग्ने सडकमार्ग, सुरक्षा र भन्सार कार्यालय व्यवस्थापन लगायत विषयमा स्थलगत अनुगमन गर्न टोली सीमा क्षेत्र पुगेको प्रजिअ गणेशबहादुर अधिकारीले जानकारी दिनुभयो ।
भौतिक पूर्वाधार तथा यातायातमन्त्री गच्छदारले जोमसोम–कोरला सडकखण्डको अनुगमन गर्नुभएको थियो । त्रियानब्बे किमी लामो उक्त सडकको स्तरोन्नतिका लागि सरकारले रु दुई अर्ब ३० करोड बजेट विनियोजन गरेको छ ।
कोरलामा चीनको तयारीले नेपाललाई झक्झक्यायो
nepaljapan
0 comments:
Post a Comment