युएई–नेपाल वायुसेवा निगमको विमानले संयुक्त अरब इमिरेटस्को दुबईमा आगामी अगस्ट १८ देखि सिधा उडान गर्ने अजमान नेश्नल ट्राभल एजेन्सी (अन्टा) ले जनाएको छ ।
दुबईको लि मेरीडियन होटल भिलेजमा आयोजित उक्त कार्यक्रममा बोल्दै अन्टाका जेनरल मेनेजर कुमार जगदिशनले उडासम्बन्धी सम्पूर्ण तयारी पुरा भएको जानकारी दिए ।
दुबई एअरपोर्ट र निगमबीच हुनुपर्ने सम्पूर्ण प्रक्रिया पुरा भएको बताउँदै उनले भदौ २ (अगस्ट १८) को दिन राती ११ः३० बजे निगमले चार बर्षपछि फेरी पहिलो उडान हुने पनि जानकारी दिए ।
पत्रकारहरुको विभिन्न प्रश्नहरुको जवाफ दिँदै जगदिशनले नेपाल वायुसेवा निगमको उडान अन्य एअरलाइन्सको तुलनामा सस्तो मुल्य हुने जानकारी दिए ।
खाना सुविधा र दुबईबाट नेपाल जाँदा ३५ केजी सामान र नेपालबाट युएई आउँदा २० केजी सामान ल्याउन पाइने सुविधा रहेको पनि उनले बताएका थिए ।
बुद्ध र हिमालको देश नेपाल अत्यन्तै सुन्दर भएकाले पश्चिमा र अरबी मुलका नागरिकका लागि राम्रो पर्यटकीय देश भएकोले आफूहरु नेपालको पर्यटन प्रबद्धनमा पनि सहयोगी बन्ने कुरा पनि उनले बताए ।
निगमको विमानले आइतबार, मंगलबार र बिहिबार काठमाडौंबाट दुबईको लागि राती ११ः३० बजे उडान गर्नेछ, भने दुबईबाट सोमबार, बुधबार र शुक्रबार विहान ४ः१० मा उडान गर्नेछ । सो उडानमा १५० इकोनोमी र ८ बिजनेस सिटहरु हुनेछन् ।
कार्यक्रममा युएईका स्थानीय मिडियाहरु गल्फ टाइम्स, खालीज टाइम्स, गल्फ टुडेका प्रतिनीधिहरु, युएईमा क्रियाशिल नेपाली पत्रकारहरु र युएइमा रहेका नेपाली ट्राभल व्यवसायीहरुको उपस्थिति रहेको थियो ।
यता नेपाली निगमले युएई उडान गर्ने निर्णय भएसंगै युएईमा रहेका नेपालीहरु खुशी भएको नमस्ते ट्राभलका सञ्चालक अशोक बाँनियाले बताएका छन । अफ्नो ट्रभालमा हवाई टिकटको लागि आउने नेपालीहरु नेपाली विमानमा, नेपाली खाना संगै सिधा उडान हुने सुनेर खुशी भएको बताउछन ।
Rato Pati बाट
0 comments:
Post a Comment