एक सफल फिल्म निर्माणका लागि हिरोको जति आवश्यकता छ, एक भिलेनको पनि त्यति नै आवश्यकता हुन्छ । जति खलनायक बलिया हुन्छन् त्यति द्धन्द हुन्छ । त्यसले दर्शकलाई बाँधेर राख्न सक्छ । तर फिल्म हेरिसकेपछि हिरोलाई मात्र सम्झन्छन् । भिलेनलाई बिर्सन्छन् । फ्यान पनि हिरो कै हुन्छन् । भिलेनको फ्यान भेट्न गाह्रै पर्छ ।
अझ पहिले त भिलेनलाई समाजले हेर्ने र गर्ने व्यवहार पनि फरक हुन्थ्यो । उनीहरुलाई समाजमा पनि फरक नजरले हेर्ने गर्दथे । फर्सी नेटवर्कमा आज हामी नेपालका केहि सफल भिलेनको बारेमा चर्चा गर्दैछौं– जसले आफू नराम्रो बनेर सिने जगतलाई राम्रो बनाएका छन् ।
सुनील थापा
सुनील थापाको वास्तविक थर गुरुङ्ग हो । उनका पिता भारतीय सेनामा कायर्रत थिए । नेपालीलाई बहादुर भनेर चिनिने भएका कारण, उनको बुवालाई भारतमा थापा भनेर बोलाउन थालियो । यसैकारण, सुनील गुरुङ्गबाट सुनील थापा भएका हुन् ।
सुनील थापाको घर पाल्पा भएपनि उनको बाल्यकाल र पढाई भने भारतको मुम्बाइमा भयो । स्कुल स्तरको पढाई सकाएपछि उनले मुम्बईबाटै मोडलिङ शुरु गरे । सुनीलका पिताले उनलाई विज्ञान विषयको अध्ययन गरेर केहि गरेको हेर्ने ईच्छा राखेका थिए ।
तर सुनीललाई भने एक चर्चित र सफल फूटबल खेलाडी बन्ने चाहना थियो । तर न त उनको बुवाको ईच्छा पूरा भयो न त उनको । उनलाई उनको भाग्यले एक भिलेन र अभिनेता बनाईदियो । मुम्बइमा बस्दा उनले बलिउडमा काम गर्ने मौका पाए ।
नेपाली फिल्म क्षेत्रमा उनलाई नम्बर वान भिलेन मानिन्छ । नेपाली फिल्मको सुरुवाती दिनमा थापाले केही चलचित्रमा नायक भएर खेले पनि खलनायक भएर खेलेको चिनो चलचित्र निकै चर्चित भयो । धेरै सिनेमामा अर्काको इज्जत लुट्ने र दुख दिने थापा खासमा असल पिता र श्रीमान् मात्र होइनन् एकदमै रमाइलो व्यक्ति हुन् ।
मुरलीधर
अभिनेता तथा गायक मुरलीधरको गृह जिल्ला सिराहा भएपनि मुरलीधर केहि वर्षयता मुम्बईमा बसोबास गर्दै आएका छन् । नेपाली सिनेमाका भिलेन मुरलीधरले पनि आफ्नो परिचय खलनायकको रुपमा बनाए । उनले फिल्मका भिलेनको भूमिकालाई न्याय दिएका छन् ।
टिका पहारी
सुशील पोख्रेल
सुुशील पोख्रेल सफल खलनायकको रुपमा परिचित छन् । दर्जनौं फिल्ममा खलपात्रको भूमिका निभाएर सुशीलले दर्शकको मन जिते । रंगमन्चबाट अभिनयको सुरुवात गरेका उनले फिल्मी दुनीयामा निकै रजार्इं गरे ।
किनकी उनमा ईन्जिनियर बन्ने सोचै थिएन । सुशीलको चाहना थियो विशुद्ध कलाकार बन्ने । उनी आफ्नो नामको अगाडी नायक , खलनायक केहिको पनि ट्याग झुडाउन चाहदैनथे । कलाकार भएपछि जस्तो पनि गर्नुपर्छ भन्ने उनको धारणा थियो ।
शुशीलले पहिलो पटक हिरोको रुपमा फिल्म छिमेकीमा गुमानेको भूमिका निभाएका थिए । छिमेकीमा हिरो भएर काम गरेपछि उनलाई राम्रै प्रतिक्रियाहरु आएका थिए । तर पछि उनले एक फिल्ममा भिलेनको रुपमा काम गरे । उनलाई हिरोको रोलमा भन्दा भिलेनको रुपमा दर्शकले मन पराए । त्यसपछि एक पछि अर्को फिल्म गर्दै उनले सफल भिलेनको परिचय बनाएका हुन् । उनी पनि कोमल मनका व्यक्ती भनेर चिनिन्छन् ।
दिनेश शर्मा
अभिनेता दिनेश शर्माले करियरको सुरुवातमा हिरो भएर काम गरे । तर हिरोमा आफूलाई नफाप्ने ठानेपछि उनले भिलेनमा हात हाले । भिलेन बनेर खेलेका उनका फिल्महरुले पनि राम्रो ब्यापर गर्न थाले । दिनेशलाई भिलेनको रुपमा दर्शकले खुबै रुचाए । जसले गर्दा दिनेशलाई हिरोबाट भिलेन बन्न मद्दत गर्यो । पहिले हिरो भएपनि अहिले दिनेशको परिचय भने भिलेनकै रुपमा हुन्छ । उनले नेपाली बाबु, क्रोध , दाग, आर्शिवाद लगातका फिल्ममा भिलेन बनेर काम गरेका छन् ।
मुकुन्द थापा
मुकुन्दले दर्जनौँ फिल्महरुमा भिलेन भएर काम गरे । उनी भिलेन बनेका प्राय फिल्महरु सफल छन् । अजंगको शरीर, बुलन्द स्वर, लामा कपाल रिसाहा अनुहार हेर्दैमा भिलेन देखिने उनलाई धेरैले साँच्चैकै गुण्डा भन्ने पनि गर्छन् । मुकुन्द नेपाली फिल्म उद्योगका सफल, चर्चित र सबैले मन पराएका भिलेन हुन् । उनले स्वर्ग, पिंजडा सपुत लगायत दर्जनौं फिल्ममा भिलेन भएर काम गरेका छन् ।
हेमन्त बुढाथोकी
नेपालका अर्का चर्चित र सफल भिलेन हुन् हेमन्त बुढाथोकी । उनले पनि भिलेनको रुपमा काम गरेर नेपाली सिनेमामा एक सफल भिलेनको रुपमा आफ्नो नाम दर्ता गराएका छन् । उनको क्रेज अहिले पनि उस्तै छ । उनले अभिनय गरेका दर्जनौं फिल्महरुले राम्रो ब्यापार छन् । उनले सपुत, बाटो मूनिको फूल, मृग तृष्णा, चलेछ बतास सुस्तरी लगायतका फिल्ममा काम गरेका छन् ।
रोबीन तामाङ
भिलेनको रुपमा परिचय बनाएका रोबीन तामाङ गायक पनि हुन् । उनले छड्के बाट अभिनय यात्रा सुरु गरेका थिए । पहिलो फिल्ममै आफ्नो अभिनयलाई दर्शकले रुचाएपछि उनलाई भिलेनकै रुपमा अघि बढ्न हौसला मिल्यो । बुवाको जागिरको सिलसिलामा सिंगापुरमा जन्मेका रोविन नेपाली पप, रक संगीतका स्थापित गायक पनि हुन् । उनले छड्के, मुखौटा, वान वे, जय पर्शुराममा भिलेनको रुपमा काम गरेका छन् । उनको भिलेन यात्रा कति अघि बढ्ने हो त्यो भने अहिले नै भन्न सकिन्न ।
राजेन्द्र खड्गी
नेपाली सिनेमाको भिलेनको रुपमा स्थापित अर्को नाम हो राजेनद्र खड्गी । सयौँ नेपाली फिल्ममा द्धन्द निर्देशकको रुपमा काम गरेका राजेन्द्र खड्गीले धेरैलाई एक्सन हिरो बनाए पनि आफू भने भिलेन बने । अग्नी परीक्षा, शंकर, गोर्खाली, बारुद, देवर बाबु, कर्कश, नथिङ इम्पोसिवल लगायतका थुप्रै रहेका छन् ।
पवन मैनाली
पवन मैनाली अर्का भुल्ने नसकिने खलनायक हुन् । पिंजडा जस्ता ब्लकबस्टर फिल्म बनाएका उनी पिंजडा संगै स्वर्ग, संगम, आवारा, धर्म, जन्मभुमी, रणभुमी, छोरीबुहारी जस्ता दर्जनौँ सिनेमामा खलपात्रको रुपमा काम गरिसकेका छन् । सर्लाही घर भएका मैनाली केही समय अघि भएको कार दुर्घट्ना पछि अहिले उनी घरमै आराम गरेर बसेका छन् । सुन्नमा आए अनुसार उनी प्यारालाइसिस् भएर बसेको छ ।
0 comments:
Post a Comment