काठमाण्डु, १२ साउन– आगामी सरकारको नेतृत्व गर्न लागेको नेकपा माओवादी केन्द्रमा मन्त्रीका आकांक्षी बढेपछि नेतृत्व गम्भीर संकटमा परेको छ । पार्टीबाट मन्त्री चयनका लागि हुने गरेका अनौपचारिक छलफलमा आफू पक्षधरलाई महत्वपूर्ण मन्त्रालयसहित मन्त्री बनाउने होडबाजी बढेपछि अध्यक्ष पुष्कमल दाहाल सरकारको नेतृत्व नगर्दै संकटमा परेका हुन् ।
माओवादीमा आफू पक्षधरलाई मन्त्री बनाउने दौडधुपसँगै मिडियाबाजीसमेत बढेर गएको छ । आगामी सरकारमा कुनकुन दल सहभागी हुने र कुन मन्त्रालय पर्ने भन्ने निश्चित नहुँदै पार्टीभित्र मन्त्रीको सम्भावित पात्रका विषयमा भने छलफल निकै बाक्लो बनेको छ । स्रोतकाअनुसार शिक्षामन्त्री गिरिराजमणि पोख्रेल, सामान्य प्रशानमन्त्री रेखा शर्मा, वनमन्त्री अग्नि सापकोटाको नाम चर्चामा छ। उनीहरुले राम्रो काम गरेको भन्दै दोहोर्याउने चर्चा चलेको हो । राजधानी दैनिकबाट
0 comments:
Post a Comment