साउन ७ – कुखुराको गन्धका कारण मलेरिया फैलाउने लामखुट्टेबाट बच्च सकिने एक अध्ययनले देखाएको छ । स्वीडेन तथा इथियोपियाका वैज्ञानिकले गरेको अनुसन्धानको क्रममा मलेरिया फैलाउने लामखुट्टे कुखुरा तथा अरु पक्षीबाट पर जाने गरेको पाइएको हो ।
यस सम्बन्धी अनुसन्धान प्रतिवेदन मलेरिया जर्नलमा प्रकाशित भएको छ । लामखुट्टेले आफ्नो आहरा गन्धको आधारमा खोज्ने गर्छ । कुखुराको गन्ध मन नपर्ने भएकाले लामखुट्टे कुखुरा भएको ठाउँ वरपर नजाने वैज्ञानिकले बताएका छन् ।
कुखुराको गन्धबाट निस्कने रसायनलाई प्रयोग गरेर लामखुट्टे भगाउने क्रिम बनाउन सकिने अनुसन्धानमा संलग्न वैज्ञानिकको भनाई छ । संयुक्त राष्ट्रसंघका अनुसार मलेरियाका कारण विश्वमा हरेक वर्ष लाखौं मानिसको ज्यान जाने गरेको छ । गएको वर्ष यो रोगका कारण अफ्रिकामा चार लाख भन्दा धेरैको ज्यान गएको थियो ।
एजेन्सीको सहयोगमा
0 comments:
Post a Comment