काठमाडौँ २९ असार । नेपाल –भारतबीच बिग्रिएको सम्बन्ध सामान्यीकरणको दिशातर्फ उन्मुख हुँदै गएको बेला यस्तो काममा झन् बढी सक्रिय रहनुपर्ने हाम्रा कूटनितिज्ञचाँहि आपसमै ‘कारगिलको लडाई’ मच्चाउँन थालेका छन् ।
दीपकुमार उपाध्यायलाई फिर्ता बोलाइएपछि दिल्लीमा नयाँ राजदूत नियुक्त भइसकेका छैनन् । सह–सचिव कृष्ण ढकालले कार्यवाहकको जिम्मेवारी सम्हालिरहेका छन् । उनलाई सघाउन अघिल्लो महिना उपसचिव हरि ओडारीलाई तीन महिने काज खटाइएको छ । तर स्वभावमा दुई कडा, एक अर्कोलाई नटेर्ने । यसैको उत्कर्षस्वरुप गत शुक्रबार यी दुईबीच ‘तँ–तँ–म म’ र कुर्सी हानाहानको स्थिति आइलागेको थियो । बाराखम्बा रोडस्थित दूतावास भवनभित्र कार्यवाहक राजदूतको निवासकै बरण्डामा बिहान दुई कर्मचारीबीच विवाद चर्कदै जाँदा कुटाकुटसम्मको स्थिति उत्पन्न भएको थियो ।
सांस्कृतिक मामिला हेर्न उपसचिव कृष्ण पन्त र द्धितीय सचिव गणेश अधिकारीले नछुट्याएको भए त्यसदिन साह्रै अप्रिय घटना हुने थियो । एकअर्काले कुर्सी उठाएर ताक्ने र अवशब्द बोल्नेसम्मको स्थिति सिर्जना हुनका पछाडि पोहोर बैशाखको त्यही अप्रिय भूकम्प र राहतस्वरुप संकलित सामग्रीसम्बन्धी मुद्दा कारक थियो । आजको जनआस्थामा खबर छ ।
0 comments:
Post a Comment