आफू गर्भवती भएको बारेमा निकै प्रचारबाजी भएकोमा करिना मिडियासँग रुष्ट छिन् । उनी मिडियासँग रिसाएको कुरा उनले आइतबार दिएको एक अन्र्तवार्ताले पुष्टि गर्दछ ।
आइतबार उनले एक अन्तर्वार्ताको क्रममा आफ्ना सबै तितो ओकलेकी छिन् । गर्भवती हुँदा पनि उनले रिया कपुरको फिल्म ‘विरा दि शादी’ को शुटिङ गरिरहेकी छिन् र यसैलाई आधार बनाई जब उनलाई सुत्केरी बिदा चाँहिदैन भन्ने प्रश्न सोध्दा उनी रिसले आगो भएकी थिइन् ।
उत्तरमा उनले आफू गर्भवती मात्र भएको भन्दै आफू मरेको होइन भन्दै रिस फेरिन् । उनले भनिन्, ‘म गर्भवती भएकी हुँ, मरेकी होइन र सुत्केरी बिदाको कुरा किन ? धर्तीमा बच्चा जन्माउनु साधारण कुरा हो । मिडियाले यो कुरालाई ठूलो बनायो ।’
उनले आफूलाई भिन्न नदेखाउन पनि आग्रह गरिन् । उनले भनिन्, ‘म पहिला जस्तो थिएँ, अहिले पनि त्यस्तै छु । मलाई पहिलेभन्दा भिन्न देखाउन नखोज्नुस् । जसलाई तनाव हुन्छ, उनीहरुले म सँग काम नगरुन् । तर मेरा काम सधैंको जस्तै चल्नेछ ।’
उनले आफ्नो प्रेगनेन्सीलाई राष्ट्रिय स्तरको विषय नबनाउनसमेत आग्रह गरेकी छिन् । ‘यसलाई नेसनल क्याजुअलिटी बनाउन बन्द गर्नुहोस् । हामी सन् २०१६ मा बाँचिरहेका छौं, १८०० मा होइन । अहिलेको अवस्थामा पनि मिडियाले जुन प्रकारले व्यवहार गर्छ, त्यो हेरेर यो अनुमान गर्न सकिन्छ कि त्यतिबेलाका मानिसहरु अहिलेका भन्दा बढि सभ्य र सामान्य थिए ।’
मानिसहरुसँग आफू हैरान भएको बताउँदै उनले विवाह, बच्चाले आफ्नो करियरलाई केही पनि हानी नगर्ने बताइन् ।
0 comments:
Post a Comment